樓下茶餐廳的老闆

樓下茶餐廳一點不起眼，如果不是在office樓下我應該係唔會幫趁的。但幫趁過後發現其實他們的食物味道不錯，而且足料、不欺場(蛋治的蛋成吋厚ga!)是舊式沒有包裝的實力派! 而且樓下茶餐廳是很有人情味的，熟客有著數!試過有同事買盒$23燒味飯，老闆見生炒糯米飯新鮮出爐咁正，醒左大盒過佢，我們同事甲乙丙都受惠! 老闆人很好，即使我們有時只order一份三文治，如果是非繁忙時間，他都會送上我們office的。

如是者昨天黃昏臨放工我打電話落去order一份腿蛋治自取，諗住邊上堂邊吃。

老闆見到我就問 "唔要我送上黎?"
我 "唔喇，我都走咯"
老闆 "去上堂呀?"
我 "你咁都知?"
老闆 "有樣睇ga ma，你個樣咁上進" (???!!!!)
我 "係lor，咁你都睇得出，咁勁!"
老闆 "咁我希望你早日達成你既目標啦!"

呢刻我突然感到老闆真是一位智者!為什麼他不但可以捉住我個胃，還猜透我個心呢? 承你貴言呀老闆!我會努力的!!!